2017-12-16

JOB VACANCY Srilanka


උපාධි ධාරියෙක්ද? රැකියා විරහිතද? පෞද්ගලික අංශයට කැමතිද? එහෙනම් මේක කියවන්න..

මේ ලිපිය දිගයි. ඒ නිසා ආවරණය වන ප්‍රධාන උප මාතෘකා ඉස්සෙල්ලම දාන්නම්. වැදගත් කියලා හිතෙනවා නම් පමනක් කියවන්න.

    පලමුවෙන්ම - පෞද්ගලික අංශය ඔබට ගැලපේදැයි සිතන්න
    දෙවැනිව - රැකියාවක් නොසොයන්න, වෘත්තියක් හඳුනාගන්න
    තුන්වැනිව - හඳුනාගත් වෘත්තියෙහි නියැලීමට ඔබගේ උපාධිය ඔබව සූදානම් කොට ඇතිදැයි සොයා බලන්න.
    සතරවැනුව -  ඔබ හඳුනාගත් වෘත්තියේ නියැලීමට සුදුසු, වේගයෙන් වර්ධනයවන සමාගම් හඳුනාගන්න.
    පස්වැනුව - ඒ සෑම සමාගමකම බඳවාගැනීමේ / මානව සම්පත් අංශයේ තොරතුරු සොයාගන්න.
    සයවැනුව - පොරොත්තු අයදුම්පතක් යවන්න සූදානම් වෙන්න
    සත්වැනුව - CV ද? Resume ද? නිවැරදිව අයදුම්පතක් සකසන හැටි ඉගෙන ගන්න.
    අටවැනුව -  හොඳ සී.වී එකක හෝ රෙසියුමේ එකක තිබිය යුත්තේ මොනවාද? නොතිබිය යුත්තේ මොනවාද?

පලමුවෙන්ම - පෞද්ගලික අංශය ඔබට ගැලපේදැයි සිතන්න;

ඔබ පෞද්ගලික අංශයට කැමතිදැයි සැබැවින්ම සොයා බලන්න. ස්වයං අධ්‍යයනයක් කරන්න. තවත් වසර 5ක් ඉදිරියට බලන්න. මේ වැඩේ අවංකවම කරන්න.

A - ඔබ කැමති වැඩ වැඩි, නිවාඩු අඩු, විනාඩි 15-20ක කෑම පැයක් ඇති, වගකීම් වැඩි, ආදායම වැඩි, ක්‍රියාශීලීව වැඩ පෙන්වා උසස්වීම්-ඉන්ක්‍රිමන්ට් ගතහැකි, වැඩ පෙන්නුවේ නැතිනම්-ක්‍රියාශීලී නැතිනම් එකතැන පල්වෙන, දරුවාගේ පාසැලේ දෙමව්පිය රැස්වීම් පවා නිතර අතපසු වෙන, වෙඩිං ඇනිවසරි දවසේවත් කලින් ගෙදර එන්නට/නිවාඩුවක්,  ගන්නට බැරි රැකියාවකටද?

බෝඩ් මීටින් තියෙන දවසක්, මැනේජ්මන්ට් මීටින් තියෙන දවසක්නම්, සහලවලා උණ තිබුණත් පැය හතරකට වරක් පැනඩෝල් දෙක ගාණේ ගිලලා කොහොම හරි ඔෆිස් ගිහින් අඬහපු ගමන් ෆයිල් උස්සගෙන යන්න ලෑස්තිවී ඉන්න සිද්දවෙන රස්සාවකටද?

නැතහොත්

2017-12-06

ඉක්කාවට පහසුම සාර්ථක විසදුම මෙන්න...

* පලමුවෙන්ම තරමක් විශාල පිරිසිදු සිලිසිලි බෑගයක්(ෂොපින් බෑගක්) ගන්න.

* පසුව එය ඔබේ ගෙල(බෙල්ල) ප්‍රදේශය තෙක් ආවරණ වෙන ලෙස එයට ඔබේ ඔලුව බහාලන්න.

* ඉන්පසු ගෙලවටා බෑගයෙන් දෑත් ආදාරයෙන්  ආවාරණයකරගනිම්න් විනාඩි තුනක් පමණ සැහැල්ලුවෙන් හුස්ම ගන්න.

* පසුව සිලි බෑගය හිසෙන් ඉවත් කරන්න.

දැන් ඔබට සුවයි...

# ජලය පානය, හුස්ම වැඩිවේලාවක් රදවා ගැනීම වැනි ක්‍රම තුලින් සුව නොවන ඉක්කා අවස්ථාවන් වල මෙය ඉතා සාර්ථක ක්‍රමවේදයකි.

ස්තුතියි...

දළ පූට්ටුවා, වෙඩික් කරුට නොකී කතාව


වනේ ලැග්ගේ උපන්දා සිට
අදත් මතකයි ඈත ඉස්සර...
අනේ කවුරුත් අපිට බාදා
කලේ නම් නෑ හේන් හිස්කර...
විනේ කෙරුණේ උපන් උරුමේ
ඇතෙක් වුණි නම් දළක් අත්කර...
ගණේ දෙවිදුට අත තියනවද
මගේ නෑයින් රටෙන් අස්කර...

බඩේ හිටියා මගේ මැණිකෙගෙ
පැටියා තවමත් වැඩෙන කාලේ...
මඩේ ගිලිලා මැරෙනවා නම්
ඒත් කම් නැත පුතා බාලේ...
වැඩේ අහවර වෙන්න ළගනම්
මේක අහපං ගමේ රාලේ...
නඩේ කෙලවර වෙච්ච දවසට
ඇතා හොයපන් නුවර දෑලේ...

උණ්ඩ කෑවත් හිතට දුක නෑ
උඹේ දරු පවුලත් රැ කේවී...
ගන්ඩ දගලන දළත් වෙන්කර
හදිස්සියට ම ලේත් ඒවී...
යන්ඩ කලියෙන් වනේ දෙවියන්
යදී අවසන් හුස්ම පේවී...
එන්ඩ කවදා වත් එපා දළ
පුතාටත් මේ ටිකම වේවී...

#සෙල්ෆි_කවියා ( Priyadarshana Rathnayaka )

2017-07-30

සෝමේද Man...

 සෝමදාසට දිනක් දෙකක් මඟහැරුණද නිතිපතා මත්වීමට නම් අමතක නොකරයි.එමෙන්ම දවසේ ආදායමෙන් තුනෙන් එකකට ආසන්නව දුම් ඉරීමට වැයවෙන බව ඔහු නැතත් ඔහුගේ හිත හොදින්ම දනී.  සෝමදාස සුපුරුදු වැඩමුරය නිමකර සවස් යාමයේ හන්දියේ තේ කඩයට ගොඩවිමට කඩය දෙසට හැරුණි.එහෙත් අරමුණ තේ බීමට නම් නොවන බව පෙනුමින් කඩවසම් මෙන්ම තරමක් රළු පෙනුමකින් හෙබි සෝමදාසටද අවුරුදු හත අටකට වඩා වයසින් පහල හන්දියේ මහතුන් හොදින්ම දනී.  සෝමදාස බයිසිකලය කඩය ඉදිරියේ නවත්වා කඩයට පය තබත්ම මහතුන් සෝමදාසට ඇමතීය.     € සෝමේ... මේ පොඩ්ඩකට ඇවිත් පලයන්...  ¥ ආ.. මහතුන් මලයා.මම දැක්කෙත් නෑ නොවැ උඹ ඉන්නවා කියලා..  € ඒකට කාරි නෑ. මම කතා කළේ උඹෙන් පොඩි අතමාරුවක් ඉල්ලගන්ඩ කියලා..  ¥ අනේ මලයා...  € තිබුනත් අද රැ වෙද්දී උඹ ලඟත් නෑනේ නෙහ්..(මහතුන් එය කිවේ වහෙන්ඔරෝය)  ¥ මාලඟ කොහෙන්ද ඉතින් සල්ලි මහතුන්...  € කෝ ඉඳපන් බලන්න මම ම හොයාගන්නම්..  (මහතුන් සෝමදාස ගේ කමිස සාක්කුවට අත දමා තිබූ සියලු මුදල් නෝට්ටු මිටමොළවාගත්තේය)  ¥ දැන් කියපං මට මේ මොනාද කියලා...?  € මේ අද වැඩකරපුවයෙ සල්ලි නොවැ මහතුන් මලයා..  ¥ හරි.. උඹ දැන් පලයන්..  € අනේ මලයා..  ¥ අයේ උඹට කියන්නෑ මම සෝමේ.. පලයන් මෙතනින්...     සෝමදාස මහතුන් සමග අමනාපෙන්ද නැතිද යන දෙතැනම මුව රඳවා ගනිමින් බයිසිකලය මත නැගී හැරුණේ සුපුරුදු දෙවන ගමනටය.එනම් කසිප්පු වාඩියටය.මහතුන් සමග පොරයට නොගොස් නිහඬව පැමිණීමට හේතුව එසේ පොරයට යාම වැඩවරද්දවා ගැනීමක් බව සෝමදාස සක්සුදක් සේ මනාව දන්නා කාරණයක් බැවිණි.නමුත් කේන්තිය අළුයට අඟුරු මෙන් තවමත් හිතම දවාලමින් පිච්චෙයි.ඒ හේතුව නිසාවටම බයිසිකලය වෙනදාට වඩා වේගවත්ය.     වාඩියට පැමිණි සෝමදාස ඒ වෙත ඇතුලු උනේ මෙසේ කියාගෙනමය     € මැගිලින් අක්කා අද මට හොදට බොන්ඬ ඔනේ...  ¥ ඇයි මලයා... උඹ හැමදාමත් හොදට බොනවනෙ බං..  € අද ඊටත් වඩා බොමු.කෝ මට මෙහෙට එකක් ගෙනෙන්කෝ.  ¥ ආ ඉදා මලේ..  සෝමදාස වෙනදා පැයගානක් තොලගාන වීදුරුව, එක උගුරට දෙකට, දෙගුණ තෙගුණ කර වාඩියෙන් බැස්සේය.  € මැගි අක්කා අද සල්ලි නෑ මයෙ අම්මේ...  ¥ එතකොට දැන් මට සල්ලි දෙන්න තොපෙ අහවල් එකාද බං...  € අර ඉතින් උඹට පොඩ්ඩට කේන්ති ගන්නවනේ මැණිකේ.උඹ මයෙ බයිසිකලේ තියාගනින් ආ... මම යනවා..  ¥ කලින් කියන්න එපැයි මයෙ මල්ලියේ.. හෙටත් වරෙන් මාව මතක් උනොත් ඈ...  € උඹ කවද්ද අමතක උනේ මට මැණිකේ..  සෝමදාස එසේ කියම්න් වෙරි මතින් ගෙදරට ඇඳුණි.තරමක් ඇදිරි වැටෙන්නට ආසන්න නිසා සිය බිරිඳගේ ඇස් කඩුල්ල ලඟමය.සෝමදාස කඩුල්ලේන් නිවස ගෙමිදුලට ඇතුල් වත්ම බිරිද ලීලාවතී මෙසේ ඇසීය..  ¥ කෝ මහත්තයා බයිසිකලේ.අදත් මග කැඩුනද?  € උඹ කවුද ගෑණියේ.. මගෙන් ඒව අහන්න...  සෝමදාස ගෙට ගොඩවෙමින්, දොර බිත්තියේ හප්පා දොරකඩම වාඩිවි කෑ ගසන්නට තිබාගති.ලෝකයාට බය නමුත් බොහෝ පිරමින් සේම, සෝමදාසද ගෙදරට වීරයා විය.සංවාද තවත් උණුසුම් වන්නට විය  ¥ ඇයි මහත්තයො අදත් බිව්වෙ.ඊයෙත් බීලා උයන්න මොකවත් ගෙදර හරියක නෑ.ළමයට දවල්ටත් කෑමක් නෑ..  € ඉතින් තොපිට මං කන්ඩ එපා කීවද යකෝ.කෝ තොපේ අප්පලා මහ උන්.කියාපිය උන්ට.මට ගෑණුන්ට කන්න දෙන්ඩ නෑ යකෝ...     (තවතවත් සංවාදය උණුසුම් විය)නිදා සිටි තම දරුවා බිය වී මහ හඬින් හඬන්නට වින.දරුවා නිතර කම්පනය පත්වීම දැන් කලක පටන් පුරුද්දක් වී ඇත..     ¥ මේ ළමයත් ඇහරිලා.දොස්තර එදත් කීව ආයේ ළමයව අසනීප වෙන්ට නරකයි කියලා."නවත්තන්න මේ අරගලේ මගෙ මහත්තයෝ"      කියමින් බිරිද සෝමදාසගේ දෙපා ලඟ සානුකම්පිතව දණ වැටිණි.සෝමදාස බිරිඳට පයින් පාරක් ගසා නැගිට ගේට්ටුව වෙත දිවගියේ ගේට්ටුවේ පොල්ලක් කඩා ගෙන ඒමටය.එම ප‍ා පහර දරුවාට එල්ල නොවුනේ අනූනවයෙනි.සෝමදාස පොල්ල කඩාගෙන ඒමට ගියේ තම බිරිඳිට පුරුදු පරිදී පහර දීමටය.එය ඔහුගේ මනසේ සිටින වීරයාගේ ආරූඪ වීමකි.  නොසිතූ මොහොතක හාත් පස සෝමදාස වෙනස් විය.ඔහු ආපසු හැරී කැහැපොට කැවූ සරම බිම හෙලා නිවස දෙසට අඩි කඩන්නට විය.බිරිද පුදුමව ගල්ගැසී බලා හිදී.බලාපබලාපොරොත්තු වූ පිට පිට පොළුපහරවල්  තවම නැත.ඇයට පාර දෙසින් සෝමේ යැයි කවුරුන් හෝ අමතන හඬක් ඇසීන.ඒ හඬ වැට අද්දරටම ආසන්නම උනු බැවින් බිරිද තරමක් විපරම් කර ඊට කන්දෙන්නට විය.     ¥ මොකද්ද බං මට අර ඈතට ඇහුන සද්දෙ..?  € නෑ මහතුන් මලයා.. මේ නිකන් නේද..  ¥ උඹ කුණුවෙන්න බීල නේද ඉන්නේ ආ..බලන්න දාපන් අර කලින් දාපු සද්දේ...  € ආ..යේ මලයා මේ දන්නෙ නැද්ද ඔහෙ..  (සෝමදාස එය කීවේ බයාදුගත සිනහව සමග ඇස් බිමට හරවමින් වමතින් හිස කසන ගමන්මය)  ¥ මම ආවේ තෝ එක්ක මුකුළු කරන්න නෙවේ යකෝ.. මට ඊයෙත් මේ සද්දේ මේ වෙලාවෙම මෙතනින් යද්දී ඇහුනා.. මම ඒකයි තොගෙ සල්ලි ගත්තේ කඩේ ලගදි.. ආවේ ඒක දීල යන්න මිසක් තොගෙ රංගනේ බලන් යන්න නෙවේ දැනගන්..     (සෝමදාස තවමත් බිමබලාගෙන නිහඬව හිදී.බිරිඳ සෝමදාස මහතුන් විසින් බැණුම් ඇසීම ඉවසාගත නොහැකිව දොරකඩ ලඟ කදුළු වඟුරයි)     මහතුන් තවදුරටත් තරහින් පුපුරන්නට විය.ඔහු බිරඳ දෙසට ඳබරගිල්ල දිගුකර සෝමදාසට ඇයව පෙන්වමින් මෙසේ කීය.     හෙට ඉදින් අයෙ මේ ගමේ සද්ද තිබ්බොත් එක්කො උඹ... නැතත් මම.. මතකතියාගනින්ල, මේ උඹට කියන පලවෙනි සහ අන්තිම වතාව.ඉදා උඹේ සල්ලි.. කොන්ද පණ තියෙන පිරිමි ගෑනිට අතඋස්සන්නෑ යකෝ..  මම ගියා..  මේකත් මතක තියාගන්, එක ගමේ චන්ඩි දෙන්නක් ඉන්න බෑ...     සෝමදාසට දැනටමත් මවාගත් වෙරි හිදී හමාරය.මහතුන් පිටව ගිය පසුම සෝමදාස කෙලින්ම ගෙට ගොඩව කාමරයට රිංගා ගත්තේය.සැබැවින්ම සෝමදාසට දොරකඩ සිටි සිය බිරිදව ඇස නොගැටුනේ ඔහු ගැන ඇතිවු බිලිබරිත දෑස් නිසාවටමය.  -------------------------------------------------------------------------------------------------  -සෙල්ෆි කවියා- (Priyadarshana R.M.A.)  

2017-07-28

රූපයම වැහැරුණේ පුතු ලැබුව හින්දාය


106 කපාපු පලුව


කපාපු පලුව
-------------------------------
උපන් දවසේ ඉදන් දරුවා - තුරුල් කරගෙන හිටියෙ දෙන්නා
හපන් කම උඹෙ දැනුයි දන්නේ - කියා කීවේ පැටියා පෙන්නා
ජපන් ඉද ආ සුවාරිස්ගේ - තලත්තෑනී කොල්ලා ඉන්නා
කපන් ආ මේ උගේ පලුවක් - වගෙයි කිනවා ගමක් දන්නා

එහා ගෙදරම උගේ මූණ ම - මගේ කොළුවට තියෙන හින්දා
මහා ඉහලින් අපේ උන්දැත් - රැයත් දහවල් කරයි නින්දා
වහා පලයන් මූත් අරගෙන - උගේ ගෙදරට හනික කැන්දා
ලිහා යන්නට කියූවත් බැමි - එපා කෙනෙහිලි මෙන්න වැන්දා

උඹට අමතක මගේ රන්කද - එදා දෙන්නම එකම හීනේ
බඩට දින සති මාස ගෙවුනේ - හිමිගෙ ඇස් දෙක පේන මානේ
හිතට කැප නැති ලොවට සැක ඇති - රොස් පරොස් ලඟ පුතුගෙ මූනේ
කෙතට ඉහිනා තෙල් බිදක් ගෙන - තොලේ උලපන් නොදැනි ගානේ

කවට කමකට එකෙක් කීවත් - දිනක් කටකැටි කතා කොල්ලන්
නිවට කමකට වගේ ඒකම - හිතේ එල්ලා කරන සෙල්ලන්
පවට පින දී ඉන්න හැදුවට - සනුහරේ මගෙ එවුන් පල්ලන්
දිවට දිව ගා හිටිය සෙනෙහස - හැමදෑම මම කෙරුවේ මෙල්ලන්


#සෙල්ෆි_කවියා (Priyadarshana R.M.A.)


2017-07-27

Magnus Mills ලෝක ප්‍රකට ගත් කතුවරයෙක්


අපි අද කියන්නේ ලෝක ප්‍රකට ගත් කතුවරයෙක්වූ මැග්නස් මිල්ස් Magnus Millsගැනය.එසේත් නැත්නම් ආර්ථික විද්‍යා උපාධියක් අතේ තියාගෙන ලන්ඩන් නුවර ඩබල් ඩෙකර් බස් එකක් එලවූ මැග්නස් මිල්ස් නැමැති සුවිශේෂි මනුස්සයා පිළිබදවය.

ලංකාව වගේම නොවුනත් මහා බ්‍රිතාන්‍යයද සුදුස්සාට
සුදුසු තැන නොලැබෙන රාඡ්‍යයකි. බ්‍රිතානයයේ බර්මින්හැම්වල ඉපදුන මිල්ස් වැඩිදුර අධ්‍යාපනය සදහා Wolverhampton Polytechnic ආයතනයට ඇතුලුව ආර්ථික විද්‍යාව සදහා උපාධිය ලබා ගනී.අනතුරැව
University of Warwick වලට ඇතුලුවී සාහිත්‍ය පිළබද විශේෂ උපාධිය සදහා පෙනී සිටියද ආර්ථික දුෂ්කරතා නිසා එය අතරමග නවතා දමා 1986 දී ලන්ඩන් නුවර බස් සමාගමක බස් රියදුරෙකු සේ රැකියාව අාරම්භ කරයි.ඔහු හැමවිටම සිය බස් සේවය අතරතුර විවේක කාලයේදී මොනවා හෝ කියවයි. ලියයි . පසුව එය තීරැ ලිපි සේ සකස් කොට අවිනිශ්චිත බලාපොරොත්තු සහිතව The Independent නම් වූ පුවත්පතේ පලකිරීම සදහා යවයි.ඔහුගේ විශිෂ්ඨ රචනා ශෛලිය නිසා ඒවා නොකඩවා පුවත්පතේ පලකරන අතර මින් ඉමහත් ප්‍රීතියක් හා විශ්වාසයක් ඇති කරගත් මැග්නස් බසයට වී සිය පළමු නවතතාව ලිවීමට පටන් ගනී.ඔහු එයට Restraint of Beasts යන නම යොදා ප්‍රකාශනයට පත් කරයි.පසුව එය සාහිත්‍ය ලෝකයේ ඉහළතම ත්‍යාගය හා සම්මානය ලෙස සලකන බූකර් Booker Prize සම්මාන උළෙලට තෝරාගනු ලදුව කීර්තිමත් නිර්මාණකරැවන් පරයමින් 1998 දී බුකර් සම්මානය දිනාගනී. මේ විශිෂ්ට මිනිසා පසුව පුවත්පත් වාර්තාකරැවන්ට සම්මුඛ සාකච්ඡා පවා දුන්නේ තම බස්රිය තුල විවේක කාලයේදිය.පසුව ඔහු 2005 දී Explorers of the New Century පලකල අතර 2015 දී The Field of the Cloth of Gold පල කලේය.එයට Goldsmiths Prize නම් වූ ත්‍යාගය හිමිවිය.

(මුහුණු පොතෙන් උපුටා ගන්නා ලද්දකි)

2017-07-26

අවුරෝරා AURORA යනු කුමක්ද ?


බොහෝවිට අවුරෝරා යන වචනයෙන් අපේ මතකයට නැගෙන්නේ 1917 දී සාර්ගේ ශිත මාළිගයට පහරදීමට සංඥාව දුන් රැසියානු යුධ නැවයි. නමුත් අවුරෝරා යනු පෘතුවියේ ධ්‍රැව ප්‍රදේශවල සිදුවන මනස්කාන්ත ස්වාභාවික සංසිද්ධියකි. සූර්යාගේ සිට පොළවට පැමිනෙන ඉලෙක්ට්‍රෝන හා ප්‍රෝටෝන අංශු

2017-07-25

SARDINE RUN සාඩින් ප්‍රවාහය


එය අධිවෙිගී සාඩින් නම් සැමන් වර්ගයේ මත්ස්‍ය ප්‍රවාහයකි. එකා පසුපස එකා හඹා එන දශලක්ෂ ගණනින් එක විට හැරී යන නැවත නැවතත් හැරෙමින් කිසිවිටෙක පෙල විසුරැවා නොගෙන ඊ ගසක වේගයෙන් පිහිනන මහා පිහිනුම් සංදර්ශනයකි. වසරකට වරක් ඡුනි මාසයේ හා ඡුලි මාසයේ දකුනු
අප්‍රිකාවේ කේප් තුඩුව ගමනාන්තය කරගත් වන්දනාවකි. දකුනු අප්‍රිකාවේ අධිකම ශිතල මාස දෙක ඡුනි හා ඡුලීය. එම ශිත කාලගුනය කේප් තුඩුව වටා ඇති සාගරයටද එක සේ බලපායි.මුහුදු ඡිවි විදාඥයෝ කියන්නේ මේ විශේෂිත ශිත දියවැල හෝ ලවන ඡලය සොයා මහද්වීපය වටා සාගරයේ සැමන් මසුන් මෙහි පැමිනෙන බවය. වඩා විශේෂිත කරැන වන්නේ උන් හඹා එන දඩයක්කරැවන්ද දහස් ගණනින් වීමය. ඒ අතර තල්මසුන්. සුදු මෝරැන් හා ඩොල්පින් පමණක් නොව දස දහස් ගනනින් මහද්විපය පුරා පැතිරී සිටින විවිධ වර්ගවල මුහුදු ලිහිනින්ද ආක්‍රමණයට සහභාගී වෙති. සැමන් මත්සයන්ගේ මේ රංගනය මරණයේ මාවතේ සිදුකරනු ලබන්නකි. නමුදු ඔවුහු මේ මාස දෙක පුරාවට ඉන් පළා නොයමින් මරනය දැක දැක රග දක්වති. මේ සැමන් මත්ස්‍ය ප්‍රවාහය කේප් තුඩුවේ KWAZULO නතාල් වෙරළ තීරයට මනා ලෙස දර්ශනය වේ. ඒ මාස දෙක පුරාවට KWAZULA නතාල් වෙරළ තිරය සංචාරකයන්ගෙන් පිරී ඉතිරී යයි.මෙවැනි විිවිධ ඡලඡ ඡීවි සංදර්ශනයක් නැරඹිය හැක්තේ දකුනු අප්‍රිකාවේ කේප් තුඩුවෙිදී පමණි.මේ සංචාරකයන් අතර කිමිදුම්කරැවෝද ඡායාරෑප ශිල්පීන්ද සාගර විද්‍යව හදාරන සිසුවෝද වෙති
----------------------------------------------------------------------------------
http://www2.padi.com/…/2015/02/25/south-africas-sardine-run/
----------------------------------------------------------------------------------

 (මුහුණු පොතෙන් උපුටා ගන්නා ලද්දකි)

2017-07-24

මාරතු 08 - ජාත්‍යන්තර කාන්තා දිනය

මාරතු 08 - ජාත්‍යන්තර කාන්තා දිනය !!
ඇමරිකාවේ සමාජවාදී පක්ෂය මුල්වී ඇරඹූ මෙම කාන්තා දිනය මුල්වරට යෝජනා වූයේ රක්ෂා කරන කාන්තාවන්ගේ අයිතිවාසිකම් වෙනුවෙන් "ලෝක වැඩ කරන කාන්තා දිනය" යනුවෙනි.එය මුල්වරට පැවැත්වූවේ 1909 පෙබරවාරි 28 වනදායි.තමන්ට නිසි

2017-07-23

රමණිය VAADHOO දුපත මාල දිවයින


එය ඔවුහු නම්කර ඇත්තේ තාරකා මුහුද යනුවෙනි. රාත්‍රි කාලයේදී මාල දිවයින් සමුහයේ VAADHOO දුපත අතිශය දීප්තිමත් නිල් මැණික් මාලයක් ගෙල පැළදි ගැහැණියක් වැන්න ! පාරදීසය ඇත්තේ කොහේද ? එය ඇත්තේ දෙව් ලොව නොව මිනිස් ලොවෙහිමය.මේ අප දකින්නේ ඉන් එක් කුඩා
කොටසකි.අපේ හාදයෝ මාල දිවයිනට යන්නේ බිස්නස් කරන්න මිසක් එහි සුන්දරත්වය දකින්න හෝ අත්විදින්න නොවේ.ඉතිං අපි ඒවා ගැන අසා නැත්තේ ඒ නිසාය.සෑම රාත්‍රියක මේ දුපත වටා ඇති වෙරළ තීරය මෙතරම් දීප්තිමත් නිල් පැහැයෙන් බබලන්නේ කෙසේද ? එය අපට අනාවරනය කරන්නේ හාවර්ඩ් විශ්වවිද්යාලයේ මහාචර්යවරැ කණ්ඩායමක් විසිනි.මේ දීප්තිමත් නිල් පැහැය ඇතිවන්නේ දිවා කාලයේ මුහුදු වෙරළ තීරයේ ඡිවත්වන කොල පැහැති DINOFLAGELLATES නැමති ඒක ශෛලී ඇල්ගී විශේෂයකිනි.රාත්‍රි කාලයේ උන් ඡෛව රසායනික ක්‍රියාවලියකට අසුවේ.එය ඔවුන් නම්කර ඇත්තේ '' ඡෛව සන්දීප්තිය '' යනුවෙනි.කලාමැදිරියා සිදුකරනු ලබන්නේ එකී ක්‍රියාවලියයි.


 (මුහුණු පොතෙන් උපුටා ගන්නා ලද්දකි)

2017-07-22

ඔිස්ට්‍රෙිලියාවේ ක්‍රිස්මස් දුපත CHRISTMAS ISLAND

මෙම දුපත සත්ව අභය භුමියකි . විශේෂිත සත්ව විශේෂයක් එම දුපත තුල ආරක්ෂා කරනු ලබයි ඒ රතු කකුලුවෝය .මෙම දුපතේ ඡනගහනය 2500 කි. වසරකට මුහුදේ සිට ගොඩබිමිට එන කකුලුවන්ගේ සංඛ්‍යාව කෝටි 5 ද ඉක්මවා යයි. සෑම වසරකම ඔක්තෝබර් හා නොවැම්බර් මාසවල මේ කකුලුවෝ
ගොඩබිම් ආක්‍රමණය කරති.වනාන්තර තුලට වැදී ගුල් හාරගෙන මාස දෙකක කාලයක් සිය නිවාඩුව ගතකරති.ඒ කාලවලට සම්පූර්ණයෙන්ම දුපතේ පාරවල් වසා දමයි. ඒ ඔවුනට නිදහසේ එහා මෙහා ගමන් කිරීමටය. මුහුදෙන් ගොඩබිමට පැමිනෙන ඔවුන් මහාමාර්ග හරහා වනාන්තරයට ඇදීයයි. මුහුදු වෙරලේ සිට වනාන්තරය කරා යාමට නොහැකි සමහර අසීරැ තැන්වල ඔිස්ට්‍රෙිලියා රඡය විසින් ඔවුනට මාර්ග හරහා පාලම් ඉදිකොට ඇත. දූපතෙන් 70% ක් සත්වයන් වෙනුවෙන් වෙන්කර ඇති අතර දූපතේ ඉතිරි 30 % මිනිසුන් ඡිවත්වෙති.

  (මුහුණු පොතෙන් උපුටා ගන්නා ලද්දකි)

ගුවෙර්නිකා GUERNICA

සිදුවූ මහා ඛේදවාචක , අපරාධ හෝ විනාශයන් සැබෑ කලාකරැවා සිය නිර්මාණයන් තුලින් සටහන් තබයි. ඒ එය අනාගතයට අණතුරැ ඇගවීමක් ලෙසට හෝ මතු පරපුරේ දැන ගැනීම උදෙසා හෝ විය හැක. '' ගුවෙර්නිකා '' යනු ඉතිහාසයේ සිදුවූ එවන් සිදුවීමක් සිය පින්සල් තුඩු මගින් සිතුවමට නැගූ පැබ්ලෝ
පිකාසෝ නම් විශිෂ්ඨ චිත්‍ර ශිල්පියාගේ අනගි නිර්මාණයයි.
-------------
1939 ස්පාඤ්ඥයේ සිවිල් යුද්ධයෙන් බලය ලබාගත් කෲර ආඥාදායක ඡෙනරාල් ෆැන්කෝ එරට සියලු සමාඡවාදී සංවිධාන තහනම් කොට ප්‍රඡාතන්ත්‍රවාදය වෙනුවෙන් පෙනී සිටි උගතුන් බුද්ධිමතුන් හා
කලාකරැවන් එක්කෝ ඝාතනය කලේය.නොඑසේනම් සිරගෙවල් තුලට ගාල් කලේය.එහෙත් ඉන් බිය නොවූ සිවිල් සංවිධානවල මිනසුන් මෙන්ම සමාඡවාදී සංවිධානවල පුද්ගලයෝද එකතුවී ස්පාඤ්ඤයේ කුඩා නගරයක සිය මුලස්ථානය පිහිටුවීය. ඔවුහු සුදානම් වූයේ සන්නද්ධ අරගලයක් මගින් ඡනරාල් ෆැන්කෝ පලවා හැරීම නොවේ. ප්‍රඡාතන්ත්‍රවාදී උපාය උපක්‍රම මගින් ෆැන්කෝ පළවා හැරීමටය. එහෙත් ෆැන්කෝ එයට ප්‍රතිචාර දැක්වුයේ තිරිසන් ආකාරයකටය. ඔහු සිය හමුදාව යවා ගුවෙර්නිකා නගරය වටකොට නගරය මතට බෝම්බ හෙලුවේය. ඉන් නගරය ගිනිඡාලාවක් විය. ළමා ලපටි පමණක් නොව වැඩිහිටියෝද සතා සීපාවාද ගහ කොලද අලු දූවිලි විය. පැබ්ලෝ පිකාසෝ නැමැති මහා චිත්‍ර ශිල්පියා ඒ පුවත ලෝකය වෙත ගෙන ගියේ සිය අනිගි සිත්තම මගිනි. ඔහු එයට ''ගුවෙර්නිකා'' යනුවෙන් නම් තැබීය. එහි චිත්‍රනය කර ඇත්තේ මුලු මහත් ස්පාඤඥ⁣යම මළගෙයක් බවට පත්කල ගුවෙර්නිකාවේ එදා මිනිසුන් නැගු මරලතෝනියයි.

  (මුහුණු පොතෙන් උපුටා ගන්නා ලද්දකි)

2017-07-21

ලෝකෙ උසින්ම අඩු ආදරවන්තයො දෙන්න

මේක දැක්ක ගමන් මම හිතුවෙ බෝනික්කො කියල ! නෑ මේ තමයි ලෝකෙ උසින්ම අඩු ආදරවන්තයො දෙන්න . ඉන්නෙ බ්‍රසීලයේ . කොල්ල පාවුලෝ ගාබ්රියෙල් වයස 29 යි උස අඩි දෙකයි අගල් 9 යි.එයාගෙ කෙල්ල කත්යුෂිකා හොෂිනි.ඒක නිකන් ඡපන් නමක් වගේ.එයාගෙ වයස 26 යි.කොල්ලට වඩා

2017-07-20

ඇය අලුමතින් නැගිටින ෆීනික්ස් කිරිල්ලියක් බදුය

ඇය යුද්ධයෙන් අලු බවට පත්වූ අලප්පෝ නගරයේ ඒ අලුමතින් නැගිටින ෆීනික්ස් කිරිල්ලියක් බදුය. පාසැල් ගොඩනැගිල්ල මත පතිත වූ බෝම්බය ඇයගේ හොදම මිතුරියන් හතරදෙනාවත් ඇගේ සොයුරාවත් සදහටම නිහඩ කර දැමීය .සිහි ලබනවිට ඇයගේ එක් පාදයක් ගැලවී පසෙක ලේ මත තිබිනි !
යුද්ධය අහිමි කලේ

ඇගේ මිතුරන් සොයුරා සහ පාදය පමණක්ද නැත. ඇගේ බොහෝ සිහිනද එය උදුරා ගත්තේය. ඇගේ සුන්දර සිහින අතර අලප්පෝ නගරයේ ජිම්නාස්ටික් ශූරිය වීමේ සිහිනයද තිබිණි. එක් පාදයක් අහිමි ඇය දැන් කෙසේ ඡිම්නාස්ටික් ක්‍රිඩාවේ යෙදෙන්නද ? නමුත් යුද්ධය නිසා බියපත්ව පළා නොයමින් එහිම රැදී සිටිනා නිර්භය ඇගේ යහලුවෝ ඇයට දෙනවා අරමුණක් ඉලක්කයක් ! ඡිම්නාස්ටික් ශුරිය වෙන්න බැරි වුනාට ඔයාට ජිම්නාස්ටික් උපදේශවරියක් වෙන්න බැරිකමක් නෑනෙ ! ඔන්න ඔහොම එයාට දැන් ඡිවත්වෙන්න අරමුණක් තියෙනවා. ඇය දැන් යනවා ඇගේ ඉලක්කය කරා ඉක්මණට යුද්ධයක් මැදින් සිනහව තවරගෙන . දැන් එයා එයාගෙ සිරැර සමබර කර ගැනීම සදහා දිනපතා ෆුට්බෝල් ගහනව ඇගේ මිතුරන් එක්ක . ඇගේ නම " සඡා ". ඔව් සඡා , ධ්‍යෛර්යවන්ත කෙල්ලේ අලුත් ඡිවිතයකට අලුත් ඇලප්පෝවකට සහ සිරියාවකට අපේ සුබ පැතුම් ! ප්‍රචණ්ඩත්වයෙන් යුද්ධයෙන් ඔබලාගේ අබලන් වූ අතීතය ඔබලාට නව මිනිසුන් සේ නැගිටින්න ඉතිහාස පාඩමක් වේවි !
===================================================
තොරතුරැ උපුටා ගත්තේ UNICEF USA

2017-07-19

කාන්තා විමුක්තිය වෙනුවෙන් කථා කළ ප්ලේටෝ


කාන්තා විමුක්තිය වෙනුවෙන් කථා කළ ප්ලේටෝ | (ක්‍රි. පූ. 427-347)
සොක්‍රටීස් ගේ ශිෂ්‍යයන් අතුරින් වැදගත් ම තැනැත්තා වූ ප්ලේටෝ, ඇතන්ස්හි අවසාන රජ වූ කෝඩ්‍රස්ගෙන් පැවත එන පෙරික්ටියොන් හා ඇරිස්ටෝන් දෙපලට පුත් ව ඇතීනියානු රදළ පවුලක, උපන්නේය.
පෙලොපොනේසියන් යුද්ධයේ දී (ක්‍රි. පූ. 431-404)

2017-07-18

ඡෙනරල් ෆැන්සිස්කෝ ෆැන්කෝ General Francisco Franco

එ්කාධිපතියෝ හැමවිටම බලයෙන් පහකල නොහැකිය.අපි වැඩිපුරම කතා කරන්නේ බලයෙන් පහකල ඒකාධිපතියන් ගැනය.නැත්නම් බලය අහිමිව මරා දැමූ ඒකාධිපතියන් ගැනය.මේ කෙටි සටහන යහතින් මියෙනතුරා බලයේ සිටි අපි වැඩිපුර කතා නොකර මග අරින එවන් වූ මිනිසෙක් ගැනය.
-------------------------------------------------------------
ඡෙනරල් ෆැන්සිස්කෝ ෆැන්කෝ 

General Francisco Franco
-------------------------------------------------------------
ලෝකයේ කෝප්‍රල් තනතුරේ සිට ඡෙනරාල් තනතුර දක්වා ඉහළ නැග සිය රට පාලනය කල මිනිසුන්

2017-07-17

අග්නි 5..

ලෝක බලවතුන් තම බලකාමය පෙන්වීමට භාවිතා කරන එක තුරුම්පුවක් ලෙස පරමාණුක අවි නිපදවීම දක්වන්න පුලුවන්.අයින්ස්ටයින් විසින් සොයාගත් මේ පරමාණු විභේදනය සහිත දරුණු බෝම්බ ලෝකයේ බලවත් යැයි පවසන සෑම රටකම නිෂ්පාදනය වී තිබෙනවා.
අමෙරිකාව,රුසියාව,චීනය වගේ

2017-07-16

When Will You Marry ? සිතුවම නම් කොට තිබුනේ එසේය

 ඔබ මේ බලා සිටින්නේ ලොව එතෙක් මෙතෙක් වැඩිම මිලකට අලෙවිකර ඇති සිතුවම දෙසය. එය සිතුවම් කරන ලද්දේ 1892 දී ප්‍රංශ ඡාතික පෝල් ගැගුයින් Paul Gauguin විසිනි. එම සිතුවමේ වත්මන් අයිතිකරැවූ ස්විස් ඡාතික Rudolf විසින් එය කටාර්හි

2017-07-15

ඩැෆ්නි අල්මසාන් ගිගිල්ස් Dafni Al Mazan Giggles

ගැහැණියක් යම් රටක බලවත් කාන්තාවක් නම් එය විශේෂය. එකී ගැහැණිය තවමත් ශිෂ්‍යාවක් නම් එය සුවිශේෂය. ඇයට තවමත් වයස 13 ක් හා වෛද්යවරියක නම් ?
ඇයට තවම වයස 13 කි. ලොව පළමු ලාබාලම උපාධිධාරී මනෝ වෛද්යවරිය ඇයයි. ඒ මෙක්සිකෝවේය.ලෝකයේ ඔීනැම රටක

2017-07-14

කිසිවෙක් අපව සිපගන්නේ නැත




මොනතරම් නම් දුක්ඛිත ප්‍රකාශනයක්ද . මොනතරම් නම් ඡිවිතයේ කඩා වැටීමක්ද
සොමායා මෙහේරි එහෙම කියන්නෙ ස්වීඩින් ඡාතික ඡායාරෑප ශිල්පී පෝල් හැන්සන්ට.ඒ එයාගෙ දුවටයි එයාටයි තමන්ගෙ මිනිහ ඇසිඩ් ගහල

ලගතියනවා වද දෙන හිත මළගමට

අහසට    පොලවටත් වැඩියෙන්           ආදරය
පහසට    නොවේමද  ඒ  හැටි              කෑදරය
රහසට     කලත් ලෝකෙට සඟවා          තිරය
දහසට     එකක් කල කම් ඵල දේ          නිරය


හදවත      නැතේ ආදරයෙන්                පිරිච්චී
නිරුවත     දැකීමෙන් පසු හිත               ඉරිච්චී
මුනිවත     රකීන පෙම ගැලවිය             මුරිච්චී
පිලවත     නොවේ බොරුවෙන් කල      වරිච්චී


අගතිය     වුනේ කවදත් මිනිසත්             කමට
සුගතිය    සොයාන නීතිය තිවුනත්          නමට
ප්‍රගතිය    ලබයි විත්තිය දවසක                එමට
ලගතිය    නවා වද දෙන හිත මළ             ගමට


#සෙල්ෆි කවියා (Priyadarshana R.M.A)

2017-07-13

මාපිය මතකාවර්ජනය (කවි බණ) අද කියවන්න, ලගදිම අහන්න...

මෝදු මෝදු සඳ අමාවකට එන
           -දවසට කවුරුත් නොකර කමා
සෑදු සෑදු කවි බණ පද රසකර
            -ගයනෙමි ඇසුමට ඔබට තමා
පෑදු පෑදු නුවණැස අප දිවිතෙර
            -සිහිකර  ගමු  මව්  පියද  අමා
සාදු සාදු බුදු හිමි වැද පලමුව
             -අවසර ගමි මම සිරස නමා


ලෝක නාත දෙවි වරු වැඩ ඉන්නේ
                     -දෑස්    ඉදිරිපිට    උපන්    දිනේ
නේක මිනිස් ගති පාන දනන්නේ
                     -දාස් ගණන් ඇයි මෙහෙම වුනේ
ශෝක ඇසින් කදුලැලි බේරෙන්නේ

2017-07-10

කුසලතාවය

චීනයේ සොරුන් දෙදෙනෙක් බැංකුවක් මංකොල්ල කෑමට පැමිණියේය."කරුණාකර බිම දිගා වන්න.මේ මුදල් අයිති බැංකුවට,ඔබලාගේ ජීවිත පිළිබඳ වගකීම අයිති ඔබටය" සොරුන් පැවසීය.සියල්ලෝම බිම දිගා විය.

2017-07-09

වරක් හෝ ආදරය කර ඇතිනම් කියවන්න. ඔබට හැඟේවි ඔබ ආදරය කර නොමැති බව!


වරක් හෝ ආදරය කර ඇතිනම් කියවන්න.
ඔබට හැඟේවි ඔබ ආදරය කර නොමැති බව!
__________________________________
ඇය එතැන සිටියාය...ඇය සුමිත්තා විය...
ඒ දීපංකර සම්බුදු රදුන් මහා සඝ ඝන පිරිවරා වඩිනා මොහොතයි...මුහුණ පුරා රැවුල් වැවු තවුසෙක් මඩ ගොඩක වැතිරී ගෙන සිටියි..ඒ තවුසාණන් මහා හඩින් ඒ රන් කදක් මෙන් වඩින සම්බුදු රදුන්ට ඇරයුමක් කරයි...එය එසේ මෙසේ ඇරයුමක් නොවන්නේය..""ස්වාමින්

2017-07-08

රට බිරිය සිහිවී කියූ කුණු නොවූ කතාව

රට බිරිය සිහිවී කියූ, කුණු නොවූ කතාව
 --------------------------
ලිවුම කුණු යට ඉන්නකොට මට 
    - මතක් වෙනවා අපේ මැණිකේ
ගවුම පොඩිදුව අද අදින්නට 
    - බලා වුන්නා නොවෙද හනිකේ
ටවුම රෙදිකඩ යකට කොටුවේ 
    - ණය වෙලා මගෙ පපුව මිරිකේ
පවුම රත්රං තියා උගහට 
    - ඒවි කියපං උඹේ තිලකේ...

ගමෙන් ටොපි කොල උනත් තොපි බොල 
    - ගෙනත් දැම්මා නේද අප්පේ
දුමෙන් වැසුණේ කොළඹ විතරයි 
    - උඹ ගියා බං අපියි තැප්පේ
ඇමෙන් නොව ඇල්මෙනුයි කවුරුත් 
    - අපිට මුලදී ගහපු කෙප්පේ
වමෙන් අහපන් දකුණු කණ හෙට 
    - කොලොන්නාවේ දුකම හැප්පේ...

හිතක් පපුවක් තිබුණු වුන් නම් 
    - ගෙදර කුණු ටික පිටට දුන්නෑ
බතක් කෑ වුන් කිසිම දවසක 
    - කා පතේ පහරලා යන්නෑ
පොතක් තරමට හිතක් තිබුනත් 
    - කිසිත් එකෙකුට දෙසක් දෙන්නෑ
ඇසක් තිබුණට අපිට විතරයි 
    - රටේ කාටත් කදුළු එන්නෑ...

සෙල්ෆි කවියා (Priyadarshana R.M.A.)

2017-07-07

WannaCry වයිරසය ගැන දැනුවත්ද?

ලෝකය පුරා රටවල් 75 ක් පුරා පැතිරී යන wannaCry නම්වූ මෙම වයිරසය ransomware වර්ගයට අයත් වුවකි.මෙය චීනය, රුසියාව, යුරෝපය,අමෙරිකාව වැනි රටවල් ඇතුලු තවත් රටවල් බොහෝ ගණනක් රෝහල්වල හා දුරකථන ආයතනවල තවත් අත්‍යාවශ්‍ය පරිගණක පද්ධතීන්
ගණනාවකට හානි පමුණුවා ඇත.පුද්ගල පරිගණකවලට වඩා සර්වර් පරිගණකවලට පමණක් හානි පමුණුවා ඇති මෙම සයිබර් ප්‍රහාරය එම පරිගණකවල ඇති සියලු දත්ත encrypt(ගුප්ත ඛේතනයකට) පත් කරනු ලබයි.එය නැවත යථාතත්වයට ( Decrypt බවට ) පත්කරගැනීම සඳහා අවශ්‍ය key එක ලබාගැනීමට ඔවුන් ඔබෙන් මුදල් ඉල්ලා සිටිති.

මෑතකදී වාර්තා වූ දරුණුතම සයිබර් ප්‍රහාරය වන මෙම ප්‍රහාරය මේ වන විට ලොව පුරා පරිගණක පද්ධතීන් අති විශාල ගණනාවක් විනාශ කොට ඇති අතර මෙය තවදුරටත් ලොව පුරා පැතිර යමින් පවතී.අප රට තුල තවමත් මෙම වයිරස් ආසාදිත පරිගණක වාර්තා නොවුනත් අන්තර්ජාලටය සම්බන්ධ සියලු පරිගණක පිළිබඳ අවධානයෙන් සිටින්න.


(මුහුණු පොතෙන් උපුටා ගන්නා ලදි)

2017-07-06

හිතේ පෑරෙන තුවාලය දැන් වැඩිවෙලා ලඟදිම මැරේවී

හිතේ පෑරෙන තුවාලය දැන් වැඩිවෙලා ලගදිම මැරේවී
==============================
තනේ කිරි ටික ඔහේ ඉහිරී ගියා හැමදා           නොනගතේ
ඉනේ උකුලේ අරන් රන්දා යන්න සිතිවිලි             හාමතේ
දිනේ ඇවිදින් බාලගිරිටම සින්න වෙනවා          මයෙහිතේ
අනේ කවදා මගේ ලේ වල අයිති කරුවකු         එනුනැතේ

රටේ දොස්තර මහත්තයලා දහස් ගානක්               හදිවෙලා
වටේ පංසල් වලට හැමකල් කියූ සෙත්කවි           පේවෙලා
කටේ ගෑවේ නැතිය වැඩි සැර පැටිය නැතිවෙයි  ලෙඩවෙලා
හැටේ වයසත් ආව මේ මට දරුවො නැතිවලු         වඳවෙලා

හිතේ පෑරෙන තුවාලය දැන් වැඩිවෙලා ලගදිම       මැරේවී
මෙතේ බුදුනුත් දෙසාලූ බණ අසාගෙන හිත තුටු   කෙරේවී
අතේ සතයත් පිනට දී අද මුළු ගතම දනකට            ඇරේවී
පුතේ කියලා අඩගහන්නට එනබවේ දරුගැබ           පිරේවී

සෙල්ෆි කවියා (R.M.A.Priyadarshana)

2017-07-05

දරට ගන්නා(තුරු)


අරටුවට වේලුනු
කඳ කැහැටු වෘක්ෂයක්
තාම වැට මායිමේ
නොසෙල්ලී ඉමරකී...

අතු සිඳින දා වැටුණු
කඳුළු මැලියම් බිංදු
ගහමුලම ගල්ගැසී
ඒ ගහට තනිරකී...

මුල් පුරා ඉහිරුණු
ලාපැහැති අංකුරත්
පෙරවදන කියවමින්
උගේ මුනිවතරකී...


2017-07-04

හරිය ගැන හරියටම දැනගන්න

ඔබට මෙම සළකුණ ගැන අමුතුවෙන් කියන්න දෙයක් නැහැ.ඉස්කෝලෙ යන කාලෙ ඉඳන් අපි දන්නා කියන සලකුණක්.අදටත් ගුරුවරු පාවිච්චි කරන සලකුණක්. ඒ වගේම පරිගණක පාවිච්චි කරන අපි හැමෝම , ඉඳලා හිටලා හරි අයඳුම් පතක් පුරවනකොට පාවිච්චි කරන

සලකුණක්. "චෙක් මාර්ක්" එහෙමත් නැතිනම් "නිවැරදියි" ලෙස සලකුණු කරන සලකුණ.

පාසල් යන කාලෙනම් පිළිතුරු පත්‍ර වල දකින්නට කැමති මේ සළකුණෙහි උපත ක්‍රි.පූ. 27 න් ඇරඹි රෝම අධිරාජ්‍යය දක්වා දිව යන්නක්. ඔබ කිසිම තේරුමක් නැතිව පෑනෙන් අඳින්නේ වක්වූ ඉරි කෑල්ලක් වුවත් මෙහි සැබෑවටම සැඟවී ඇත්තේ ඉංග්‍රීසි හෝඩියේ V අකුරේ හැඩැති රෝමන් අක්ශරයකි. Veritas යන රෝම වචනයේ තේරුම True යන්නයි. නිවැරදි යන්න සළකුණු කිරීම සඳහා මෙම රෝම වචනයේ පළමු අකුර මෙසේ සටහන් කිරීම අරඹා තිබෙනවා. දකුණු අණ්ඩ දික්වූ මෙම සළකුණේ සැබැවින්ම තිබෙන්නේ V අක්ශරයයි.

කෙසේ වුවත් ස්වීඩන් පාසල් වල මෙම සළකුණ පිළිතුර වැරදි ලෙස දැක්වීමටත් , නිවැරදි පිළිතුරු දැක්වීමට R අක්ශරයත් යොදා ගන්නවා.ජපානයේදී නිවැරදි පිළිතුරු වෙනුවෙන් O අක්ශරය යොදාගෙන තිබෙනවා.පුරුදු පරිදි වැරදි බව දැක්වීමට රෝම අධිරාජ්‍ය සමයේම උපත ලද X සළකුණ යොදා ගනු ලබනවා.

(උපුටා ගැනීම මුහුණු පොතෙන්)

2017-07-03

එපා වෙන්නැති සෙනෙහසක්

උපන් නැකතට කලින් ඉදලා 
හොදින් දෙන්නා හැදින වුන්නා
කපන් බඩ වැල පෙකණියේ හිල 
      තාම  ඒකට  හේතු  දුන්නා
නුපන් අකුසල් නිසා සසරේ 
    අදත්  මා  ලග  නුඹම  ඉන්නා
හපන් කමකට නොවේ අම්මේ 
     මතක්වෙනකොට කවි උපන්නා

අපා දහදුක් වින්දා මතකයි 
     මෙදා වෙනකන් පුතු ව හින්දා
දෙපා නමදින මොහොතකත් බුදු 
     හිමි ලගදි පිං නුඹ ට බැන්දා
කපා පලුවක් හදවතේ මතු 
     දිනක දෙන්නම් අතක රන්දා
එපා වෙන්නැති සෙනෙහසක තනි 
     උරුම කරුවා ඇය ද මන්දා

කියවා ගතහොත් දිවිගමන පහසුය… (G E N D E R R E AD I N G )


මට නම් මේ පින්තූරය කියවන කොට දැනුනෙ මේ ආකාරයට  :

        පවුල් කුටුම්භයකට ඒකරාශි වූවාට පසු ගැහැණියකට හා පිරිමියෙකුට එක්ව ගමනක් යාමට සිදුවෙනවා.


     එතැනදි එකිනෙකා ඔවුනොවුන්ගේ ස්වාධීනත්වයට හා අනන්‍යතාවයට ගරු කර ගතයුතුයි. ඒ වගේම ගැඹුරු ආත්මීය තේරුම් ගැනීමක් හා බැඳීමක් ද ඇතිකර ගතයුතුයි.


      එහෙම වුනොත් තමයි දිවිගමනෙ ගැටුම් අවමව එකට ගමනක් යන්න පහසු වෙන්නේ.

         මේ පින්තූරය තුළ මට අනුව, ගමන් මළු හා ඇඳුම් වලින් සංකේතවත් වනනේ, ඒ එකිනෙකාගෙ අනන්‍යතාවය හා ස්වාධීනත්වය....

    කකුල් පටලවගෙන ඉඳීම තුළින් හා එක්ව පුවත්පත අල්ලාගෙන ඉඳීම තුළින් ගම්‍ය වෙන්නෙ, ශාරීරික (ලිංගික) හා ආත්මීය බැඳීම...


          පුවත්පත එකට එක්ව කියවීම තුළින් පිලිබිඹු වෙන්නෙ, ජීවිතය හා තමුන්ව කියවාගැනීම.....

       ඒකයි මම මේකට gender reading යන යෙදුම දැම්මෙත්.

තව කියවන්න }https://www.facebook.com/everest.arachchige

2017-07-02

ගමේ අත්තම්මා...

 








එදින අගෝස්තු මසක පලමු සතියේ ඉරු දිනක් වන බැවින් මම අම්මාගේ ගමට යාමට එදින උදෑසන තීරණය කළෙමි.එවකට මා 6 ශ්‍රේණියේ ඉගනුම ලබන ශිෂ්‍යයෙකි.

අගෝස්තු මාසය බොහෝ ළමුන්ට සරුංගල් අරින සුන්දර කාලයක් වූවත් සරුංගලයක් සෑදීමට ඉටිකොල, තන්ගුස් නූල් පංදු මිලට ගැනීම සදහා රු.150ක වත් වියදම්ක් දැරීම නාස්තියක් බව අම්මාගේ අදහස විය. එයද මාගේ අදහස කරගනිමින් මම අම්මාගේ ගමට යාම සතුට සොයා යන ගමනක් බව‍ට පෙරලා කරගතිමි.

උදෑසන 7 ට පමණ නිල් පාට තුන්කාලේ කුඩා බයිසිකලය මත නැගී ගම්මානය හරහා මා අම්මාගේ උපන් නිවහන කරා බයිසිකලය පදින්නට උණි.

2017-07-01

මනාළී...

 

දීන කීපයකට ඉහතදී නිවසක් වෙත යාමට යෝජනාකරගත් පරදී, මාගේ හොදම මිත්‍රයා වූ ජීවක සමග ඔහුගේම මෝටර්සයිකලයේ නැගී අදාල නිවසට ලගාවුනි.

ගෙමිදුල ඉතා විශාල වූත්, අලංකාර මල් පාත්ති වලින් හැඩවු වටපිටාව තරමක් මාගේ හිත සැහැල්ලු කරන අතරතුරම නිවස අභ්‍යන්තරයෙන් "අන්න එයාල ආවා.. අන්න එයාල අාවා..." යන හඬ ඇසෙන්නට වුනි.

මිත්‍රයාත් මමත් ගේ දොරකඩට ඇදෙත්ම තරමක් වයසින් මුහුකුරා ගිය පුද්ගලයෙක්, "එන්න පුතාලා ඇතුලට" යනුවෙන් සුහද ආමන්ත්‍රණයක යෙදුනි..

2017-06-30

අහන් ඉදින් මස්සිනේ



පල්ල ඉරුණු අඹුඩ රෙද්ද පිරිමහගෙන       ඇඳ
තල්ල ගෙවෙන තුරු පුම්බා හාල් නැතිව    කැඳ
වැල්ල  බලා  හැමදාමත්  හිතේ  බුදුන්        වැඳ
මිල්ල අහුරු දෙක තුනකට දියඹට         යනවද

හීන්  මස්සිනා  හැමදා  මගේ  හිතේ          අස්සේ
වාන් දමන සෙනෙහස හදවත පතුලට     බැස්සේ
තෝන් ලණුව දාගන්නට එනකොට උඹ   පස්සේ
පාන්  දරම  මඟහැරියම  මගෙ  හදවත    ගැස්සේ

රග පාමින් මායම් හැට දාන්න මං          දස්සිනේ
අඟ නැතිවට උඔට නහින මම නාඹර   වැස්සිනේ 
ලග පාතක ඇත්නම් හෙම අහන් ඉදින් මස්සිනේ
දඟ නෑ මං නුඹේ ලගට එන්න හදන      පිස්සිනේ

2017-06-12

පෙරහන් කඩය ඇයි තිබුණේ මුල කිතුලේ



වරහන් කරපු සිතිවිල්ලක් හද          පතුලේ
රහන් වෙන්න කලියෙන් කකියන    රතුලේ
කුරහන් පාට මගේ මැණිකා ගෙයි    ඇතුලේ
පෙරහන් කඩය ඇයි තිබුණේ මුල    කිතුලේ

දෙවට ලගින් එනකොට තනි පාළු    කැලේ
කවට කමට නොව කියපන් අහන   වෙලේ
ඉවට ගිහින් බැලුවම ගහ මුලම      බොලේ
රවට ගන්න බෑ හිත එය උඹ ද          කලේ

පුසුඹ පිරුණු පටලන පපු තිසර            පටී
මදක් ඉරුණු අඹුඩයකුත් එතන           වැටී
මදට තුරුණු රත දිලිසුණු මැණික්       කැටී
කුමට කරුණු ලැබුණත් උඹ රටක්       වටී

හිතා බලාපන් අද ගම            කැළඹෙන්ට
සතා උඹයි හිතුනා මට            වැලලෙන්ට
පතා සතුට ආවත් ගෙට         ගොඩවෙන්ට
ඉතා හොදින් කීවා               පලයන්යන්ට

2017-06-07

Eminem ට වඩා දේවල් ඔයාට වෙලා තියෙනවද?

1973 වසරේ ඔක්තෝබර් මාසෙ 17 වෙනිදා දොස්තරලගෙ පැය 73 ක මහන්සියෙක්, ඒ කියන්නෙ දවස් 2කට වඩා වෙලාවක් ගිහින් ලමයෙක් මෙලොව එලිය දකිනවා.. ඉපදෙනකොට අම්මාට වයස අවුරුදු 17යි..
ලමයගෙ නම Marshall Bruce mathers..
ලමයාට අකමැත්තෙන් තාත්තා අම්මව දාලා යනවා....
අද වෙනතුරු ඔහුට ඔහුගේ තාත්තව හමුවී නෑ..
අම්මා මත්ද්‍රව්‍ය ඇබ්බැහිය සහ සූදු කෙලීම නිසා අම්මගෙ ආදරේ ලැබෙන්නෙත් නෑ..
ඉගෙනීමට අසමත්කම නිසා 9 ශ්‍රේණියේ වසර 3 ක්

2017-06-02

ගිජුලිහිණියා සහ දරුවාගේ නොදත් කතාව...


මෙතෙක් කතාව:-

දකුණු සූඩානයේ දී කෙවින් කාටර් නම් දකුණු අප්‍රිකානු චායාරූප ශිල්පියා මේ චායාරූපය ලබාගන්නේ 1993 මාර්තුවේදී.
ඉතිරි තප්පරයේදී වියහැකි ඉරණමෙහි අවිනිශ්චිත බව පිලිබඳ වන කම්පනය නිසාම මෙය ලොවක් කතාකළ චායාරූපයක්.
මේ නිසාම 1994 වසරේදී ලොව හොඳම චායාරූපය ලෙස පුලිට්සර් සම්මානය හිමිවන්නේත් කාටර්ට.
ඉන්පසුව සංවාදයට නැගෙන්නේ මේ චායාරූපය ගැනීමෙන් පසුව මේ  දරුවාට සිදුවූ ඉරණම කුමක්ද

2017-05-30

ලංකාවේ ගංවතුර සහ ඕස්ට්‍රේලියාවේ ගංවතුර....


ලංකාවේ බිහිසුනු ගංවතුරක් ඇතිවෙලා. (1පිංතූරය) මිනිස්සුන්ගේ ජීවිත, දේපල, නිවාස, හරකා බාන, වැවිලි බෝග ආදී සකල මනාවම රුදුරු ගං වතුර අරන් ගිහින්.

ඊයේ මං ජතික රූපවාහිනිය, සිරස, ස්වර්ණවාහීනි, දෙරන, හිරු යන නාලිකා වල නිවුස් බැලුවා.

මේ හැමෝම විපතට පත්වූවන්ට ආධාර දෙන වැඩසටහන් අරඹලා. ඒක තමයි හැම නාලිකාවම ප්‍රමුක පුවත. පොලිස්පතිත් අපේ නාලිකාවට ආධාර දෙන්න කිව්වා කියලා එක් නාලිකාවක් කියනවා. අනික් නාලිකාත් අපි තමයි ආධාර දෙන මූලිකයෝ කියලා පොලොවෙ පස් කමින් කියනවා.

ඊට පස්සෙ ඉන්දියාවේන් ආධාර අරන් නැවක් ඇවිත්. නේවී එකෙන් ඒ නැවේ ආපු අයට සෙලුට් ගහනවා, රවී කරුනානායක ඉංදීය තානාපතිගෙන් ආධාර බාර ගන්නවා වගේ ජොලි දේවල් දෙවනි ප්‍රධාන පුවතින් පෙන්වනවා.

ඊලගට රූපවාහීනී වාර්තාකරුවෝ ගුවන් හමුදා හෙලිකොප්ටරයකින් විපතට පත්වූ පෙදෙස් වලට යාමට වන සූදානම ඊලග පුවත. ගුවන් හමුදාවේ ගුන වගේම "බෙල්"

2017-05-28

විරුවාගේ සටහන



විරුවාගේ සටහන
-----------------------------------------------------
අනේ දහසක් මිනිස් ජීවිත ගොඩට ගන්නට හිතා ආවේ
ඉනේ බැදගෙන වුන්නු කෙඹල් කඹය දෝ මට හරස් වූවේ
දිනේ කවදා සිහිනෙකින් සිතු දේකටත් නොව මුහුණ පෑවේ
විනේ ඉහලින් නෙලුව පොලවට වැටී රෝහල් අදට බෑවේ

කාත් කවුරුත් කොහේ වේවිද මා මළොත් ගෙදරකට ඇත්තා
ඒත් තව තව මතක් වෙන්නෙ වතුර අස්සේ හිටිය අත්තා
ඈත් ගෙදරට වෙලා දරුවන් එක්ක තනිවෙයි කමක් නැත්තා 
මාත් මොහොතක් ලෙඩ ඇදේ දිත් නැවත එන්නට වාරු ගත්තා

සුර විරු කැල රකිනු සත්තයි මා නැතත් හැමදෙනම දෙරණේ
නෑර එකෙකුත් බේරගන්නට තමා ආවේ ජලය තරණේ
මාර යා පරදන්න බැරි බව බුදු බණෙත් කියවෙනා කරුණේ
පාර මේකයි යන්න යනවා හැමට පතලා තිසර සරණේ

"ජලයෙන් ජීවිත හානි වූ සියලුදෙනට නිවන් සුව"

Hacking වලින් බේරෙන්න මේක කියවන්න

Hack කරන හැටි දැනගන්න. ඔබත් Internet Cafe යනවාද? රහසිගත උපාංග පිලිබඳ ඔබ දන්නවාද? Pen Drive එකකින් ඔබේ පරිගණකය නිරුවත් කළ හැකි බව ඔබ දන්නවද? එක Mouse Click එකකින් ඔබේ ගිණුම අන් කෙනෙකු අතට යා හැකි බව ඔබ දැන සිටියාද? Apps & Games වල රහසිගත මෙහෙයුම්. මේ දවස්වල අලුත්ම Facebook වංචනික කටයුතු. කියවන්න. නොදන්නා දේ

2017-05-27

ජීවිත තීන්දු


වැගුරූ දහදිය බිංදු
කරයි ජීවිත තීන්දු...
එකෙක් කී... සිංදු
දෑසේ කදුළු රැන්දු...
සිතුවම් හද ඇන්දු
එකීටම හිත බැන්දු...
නිසාවට දුක කැන්දු
හදවත වුනා හෝන්දු...

"ඉතින් සැලකිලිමත් වන්න, ඔබව යම් මොහොතක යම් අයකුට ඕනෑකර තිබිය හැක"

සුප්‍රසිද්ධ පෙෘද්ගලික ව්‍යාපාරික ආයතනයක කළමනාකරු ලෙස සේවයේ නියතු එක්තරා තරුණයෙකු ට එම ආයතනයේ හොදම කළමනාකරු සෙල සේවය කිරීම සම්බන්දව ඇගයීමට ප්‍රාප්ත වීමට වාසනාව ලැබුණි.එය ඔහුගේ උනන්දුව සහ කැපවීමෙහි ප්‍රතිඵලයක්.


මේ බව අදාල උත්සව දිනට පෙරදිනයෙහි තම ආයතන ප්‍රධානියා විසින් ඔහුව දැනුවත් කර පසුදින ඒ සදහා අනිවාර්යයෙන් උත්සවයට සහභාගි වියයුතු බව මතක්කර සිටිනවා.


සම්මාන පිලිගැන්වීමේ උත්සවය සදහා අදාල දිනයේ තරුණයා ඉතා පිළිවලට සුපුරුදු වැදගත් ප්‍රියමනාප පෙනුමින් සැරසී උත්සව සභාවෙහි නියමිත ස්ථානයේ තම සම්මානය ලබාගැනීමේ අරමුණ ඇතිවයි අසුන්ගන්නවා.


උත්සවය ආරම්භව වැඩකටයුතු අලංකාරව කෙරීගෙන යන අතරවාරයේ ඉතා ඉහල හඩින් කරන ලද දිගු වර්ණනාවත් සමග නිවේදකයා අතින් ඔහුගේ නම කියවෙනවා.දැන් එළඹ ඇත්තේ නොයිවසිල්ලෙන් බලා සිටි ඔහුගේ සම්මාන ප්‍රදානය භාරගැනීමේ මොහොතයි.ඒත් සමගම තරුණයා තම අසුනින් නැගිට උණුසුම් අත්පොලසන් මැද වේදිකාවට ගොඩවනවා.
එහිදී ඉතාවටිනා සහතිකයක් සමග පදක්කම් පැලදවීමෙන් පසුව ඔහුට සභාව ඇමතීමට අවස්ථාව උදාවෙනවා.ඒ ඔහුගේ සාර්ථකත්වය පිලිබද මුළුමහත් ආයතනික සේවකයන්ද ඇතුළු එහි සභාවට ආදර්ශයක් වීම පිණිස කළමනාකරණ ජීවිතය පිලිබද පැහැදිලි කීරීම සදහාය.


සභාව ඇමතිම ආරම්භව කතාව කෙටි වෙලාවක් ගලායන අතරතුර තම දුරකථනයට ඇමතුමක් එනවා.ඔහු එයට අවදානය නොදී කතාව කරගෙන යනවා.නමුත් නැවත නැවත ඇමතුම ගලා ඒමට පටන් ගන්නවා.එවිට ඔහු සූක්ෂමව තම සාක්කුවට අත දමා දුරකථනය ක්‍රියාවිරහිත කරනවා.පසුව තම සභාව ඇමතීම මනාව සිදුකොට උත්සවය අවසන්ව නිවස බලා ඒමට තරුණයා පිටත් වුණා.


ඔහු ට නිවසේ කඩුල්ල අසලට තම මෝටර් රථය ලංවත්ම යම් වෙනසක් හැගුණි.ඊට හේතුව නිවසට බොහෝ අසල්වාසීන් පිරිසක් රැස්ව සිටීමයි.දැඩි කුතුහලයෙන් යුතුව වහා රථය නවතා ගේ තුලට දිවගිය ඔහුට දැකීමට සිදුවුයේ තම ඇස් අදහාගත නොහැක්කකි.


තම මහළු මව ඇගේ නිදි පැදුර මත අවසන් සුසුම් නිදහස් කර නිදහසේ වැතිර සිටින දුටු ඔහුට සියල්ල අවබෝධ වීමත් සමග මනස කම්පනය කරමින් වෙදනා බරිතව ඇය බදාගෙනම හඩන්නය වුණි.නමුත් දැන් ඔහු පමාවී අැත.
අවිවාහක පුතා සහ තම මව පමණක් ජීවිතය ගෙවු ඔවුන් ඉතා සතුටින් ජීවත් වූවත් මව ඉතා අසාද්‍යව රෝගී තත්වයකින් පසුවිය.පුතුට ආ දුරකථන ඇමතුම අන් කිසිවකුගෙන් නොව තම මවගේ දුරකථනයනි.රෝගය උත්සන්න මොහොතක ලබාගන්නා බෙහෙත් පෙති අවසන්ව පෙරදින එය පුතුට ගෙන ඒමට කියා ඇති අතර එය ගෙන ආවද පුතාට තම කාර්යබහුලත්වය නිසාම එය මෝටර් රථය තුලම බැරිවිණ.

උත්සව සභාවෙහි පැමිණි ඇමතුම මවගේ එම බෙහෙත් පුතා ගෙනැවිත් තැබූ ස්ථානය වීමසීමට වන අතර එය ඇගේ අවසන් මොහොතට ආසන්නම ගෙවූ කාලපරාසය විය.අවසන් ප්‍රතිඵලය වුයේ මවට ජීවිතයද පුතුට මවද අකාලයේ අහිවීමය.
-------------------------------

මා වෙන කිසිත් නොකියමි.ප්‍රශ්නය නම් අප ජීවිතේ ඇතැම් වටිනා දේ හිමිකර ගැනීමට කැපකරන ලද කැපකිරීමේ ආවස්ථික පිරිවැය හෘදසාක්ෂියට කෙතරම් සාධාරණීකරණයට ලක්කල හැකිද යන්නයි.

"ඉතින් සැලකිලිමත් වන්න, ඔබව යම් මොහොතක යම් අයකුට ඕනෑකර තිබිය හැක"

2017-05-26

ඉල් සුබ නැකත


නෙරියෙන් බුරිය වහගෙන යනකොට    එතනා
කොරියෙන් ගෙනා ගල් වංගෙඩියක්      හිතුනා
ලොරියෙන් බාපු වට්ටක්කත් දෙවෙනි       උනා
කරියෙන් උනත් මං කෑවේ හොදිය          අනා

මල් මල් චීත්තය තුත්තිරි           ගල්වන්න
වල් පැළ තියේනම් මට හැකි       උදුරන්න
කල් යල් බලා බිම් හේනක්          වපුරන්න
ඉල් සුබ නැකත නඟුලෙන් වැඩ   කරවන්න

නින්දක් නැතිව සිහිනයකුත්        පෙන්නාලා
හැන්දක් ඇතිව කිරි කෑවම පැණි           දාලා
කෙන්දක් ඇබින්දක් නොව සෙනෙහස   දීලා
ලන්දක් කපා එළිකෙරුවෙම්           රඟපාලා

දෛවයට අභියෝගකල ධනාත්මක චින්තකයා.



දුෂන්කා සහ බොරිස්ලව් යුවළ යුගෝස්ලාවියාවේ "සර්බියානු ඔර්තොඩොක්ස් නිකායේ" උපදේශකවරු දෙන්නෙක්, 80 දශකයේ මුල ඒ දෙන්නා ඔස්ට්‍රේලියාවේ වික්ටෝරියා ප්‍රාන්තයේ මෙල්බර්න්  වල පල්ලියක ක්රියකාරිකයෝ විදිහට එනවා. ඇවිත් තරුණිය හෙදියක් සහ තරුණයා ව්‍යාපාර කළමනාකාර ක්ෂේඨ්රයේ රැකියා කරනවා. ඔවුන්ගේ අපේක්ෂාවන් මල් පලගන්වමින් 1982 දෙසැම්බර් 4 වෙනිදා ඔවුන්ට පුතෙක් ඉපදෙනවා.
  
නමුත් ඒ දරුවා අසාමාන්‍ය ලෙස
වෙනස් කෙනෙක්. අත් දෙක සහ කකුල් දෙක නැති දරුවෙක්. චිකන් ඩ්රම්ස්ටික් එකක් වගේ.   මවට අදහගන්න බැරිවෙනවා. ඒක tetra amalia කියලා දුර්ලභ රෝගී තත්වයක්.      අවසානයේ දෙවියන්ගේ කැමැත්ත එලෙසින්ම බාරගන්නවා.   
Nicholas James Vujicic තමයි දරුවට තියන නම. නිකලස් කියන නම කෙටිකරලා නික් විදිහට භාවිතා කරන්න ගත්තා.  ඔහු වෙනුවෙන් හැමදේම වෙනස් විදිහට තෝරන්න උනා. පාසලේදී මග තොටදී උසුළු විසුළු වලට ලක් උණා. යාලුවෝ වගේ ලියන්න, සෙල්ලම් කරන්න බෑ.  වයස් අවු.6 දී නික් දවසක් කණ්නාඩිය ලඟට ගිහින් ඔහු දිහාම බලන් හිටියා. "මගේ මේ නිල් පාට තරු ඇස් දෙක කාටවත්ම  වෙනස් කරන්න බැහැ" ඔහු කියාගත්තා.

 නමුත් ඔහු නිතරම මානසික තැවුලට පත්වුණා. වයස 10 දී විතර වතුරට පැනල දිවි නසාගන්න උත්සහ කළා.  එදා අම්මා ඔහුට පත්තර පිටුවක් පෙන්නුවා. ඔහු වගේම පුද්ගලයෙක් තනියම ජිවිතේ දිනපු. එදා ඉඳන් අනිත් හැමෝම තනියම කරපු දේවල් තනියම කළා. හොඳින් ඉගෙන ගත්තා.


  අවු: 21 වෙද්දී උපාධි දෙකක් ලබා ගන්නවා. ඔහු වගේම අයට ගුරුහරුකම් දෙනවා.  විශේෂම දෙය සර්ව සම්පූර්ණව ඉපදිලා ජීවිතේ දිනන්න අරමුණක් හොයන අයට ධනාත්මක චින්තන උපදේශකයෙක් විදිහට ජීවිතය දිනන්න උදව් වෙනවා. ඒ සම්බන්ධ පොත්පත්, වීඩියෝ, ෆිල්ම් නිකුත් කරනවා.
 2012 දී එයාගේ ජීවිතේට සුන්දර සහකාරියක් එකතුවෙනවා. එයා Kanae Miyahara.
 ඔවුන්ගේ ලෝකෙට දරුවෝ දෙන්නෙකුත් එකතුවෙනවා. 
දැන් ඔහු ලෝකේ ප්රීතිමත්ම කෙනෙක්.

@මුහුණු පොතෙන් උපුටා ගන්නා ලද්දකි...

2017-05-25

එය උත්තරීතර ආදරයේ පමණක් නොව සදාකාලික ශෝකයේද අපරිමිත වේදනාවේද ප්‍රකාශනය විය.


ඉන්දියාවේ ඉතිහාසගත මෝගල් අධිරාජ්‍යයේ 5 වැනි මෝගල් අධිරාඡ්‍යයා වු ෂාඡහාන්
අද්විතීය ආක්‍රමණිකයකුවූ චිංගිස් කාන්ගේ පරපුරෙන් පැවත එන්නෙකි. හේ මහා අක්බාර් අධිරාඡයාග

මුණුපුරෙකි. රෑමත් මුම්ටාස් මහල් ඔහුගේ බිරිද විය. ඔහුට දාව ඇය දරැවන් 13 දෙනෙකු මොලොවට බිහි කලාය.ඇය සිටියේ සිය 14 වැනි දරැ ප්‍රසූතියට සුදානම් වෙමිනි. ඒ 1631 වර්ෂයයි. ඒ වර්ෂය සාජහාන්ට විරැද්ධව අධිරාජ්‍යයේ කැරලි පැන නැගුනු කාලයයි. මේ එක් කැරල්ලක් මර්ධනය සදහා සාඡහාන් යුධ පෙරමුණට යා යුතුව තිබිනි. මේ සදහා තමාවත් යුධ පෙරමුණ කරා රැගෙන යන ලෙස මුම්ටාස් ඇවිටිලි කලෙන් සහඡාන් යුධ පෙරමුණට ගියේ ගැබිනියකවූ මුම්ටාස්වත් රැගෙනය.යුධ කුඩාරමක් තුල මුම්ටාස් සිය 14 වැනි දරැවා ප්‍රසූත කලද දරැ ප්‍රසූතියේදී මුම්ටාස් මිය ගියාය. මින් කම්පණයට පත් සාඡහාන් යුද්ධය සිය සෙනෙවියන්ට භාර දෙමින් මුම්ටාස්ගේ ප්‍රාණය නිරැද්ධ දේහයද රැගෙන නැවත සිය නුවර වන අග්‍රා වෙත පැමිනියේය. අනතුරැව හේ සිය මාලිගයේ සදලුතලයට පෙනෙන ඉසව්වෙන් යමුනා ගංගා තීරය අසබඩ රමණිය බිමි තීරයක ඇගේ දේහය තබා ඒ වටා සොහොන් ගෙයක් ඉදි කලේය. සේවකයන් 22,000 ක් යොදවා වසර 22 ක් තිස්සේ ඔහු මෙය ගොඩනැංවූ බව ඉතිහාසය අපට කියයි. ‘‘ ටාඡ් මහල් ‘‘ යනුවෙන් සාඡහාන් එය නම් කලේය. ඊටම නුදුරින් එහි ආකෘතියටම තමාගේ සොහොන් ගෙයත් කලු පැහැති පාෂාණයෙන් ඉදිකල සාඡහාන්ට සිය අධිරාජ්‍යයේ ඔටුන්න පැළදගෙන සිටීමට ඔහුගේ පුත්තු ඉඩ තැබුවේ නැත.ඔහුගේ වැඩිමහල් පුත්‍රයා අවුරන්ගාසබ් සිය සොහොයුරා වු සූඡා හා එක්ව පියරඡු ඔහුගේම සෙහොන් මැදුරේ සිරගත කර ඒ වටා දැඩි ආරක්ෂිත මුර සෙබලුන් තබා සාඡහාන්ගේ අධිරාජ්‍යයේ කිරීටය උදුරා ගත්තෝය .පුරා වර්ෂ 8 ක් සාජහාන් දුක්ඛිත සිරකරැවෙක්ව සිට 1666 වර්ෂයේ මිය ගියේය.

2017-05-24

ඉරටු මිටිය...



මා පාසල නිමව නිවසට පැමිණියේ පංතියේ මිතුරකුගේ ගෙදර යන එකම බලාපොරොත්තුව තදින්ම හිතේ බරකරගනිමිනි.

බලාපොරොත්තු දෑසින්ම ඉහිරි ගියේ කුස්සි මිදුල පුරා විහිරී තිබූ බුරුල් වූ ඉරටු මිටි දැකීමත් සමගිනි.
පුරුදු පරිදි "අම්මේ" කියා ගෙට ගොඩඋනත් කිසිම හැලහොල්මනක් නැත.මම ගෙයින් එලියට බැස දෙවනත් කිරීමට පයන් ගතිමි.පලමු දෙවන ඇමතීමත් සමග අම්මාගේ පලපුරුදු කටහඩ මෙසේ ඇසුනි.
මම මෙහේ... අර ඉරටු සේරම වේයෝ කාලා තව තිබ්බොත් ගන්න දෙයක් නෑ මහත්තයෝ..
ඒ ඇගේ වචන විය.

මම එසැනින් නිගමනයට පැමිණියෙමි.පුරුදු ඇමතීම කොල්ලෝ වන අතර.යම් වැඩක් පලක් ඇති විට එය මහත්තයෝ බවට පෙරලේ.එනම් දැන් ඇත්තේ යහලුවාගේ ගමන ඉරටු කඩේ රැගෙන යාමට වෙනස් කිරීමටයි.
අම්මා මදු වැල් අටක් දහයක් බිම දමන්නට වින.මම ප්‍රශ්න කරන්නට තියාගතිමි.

‘‘මේ මොනවද මෙව්වා... ඔවගෙන් බැදල මග බැද බැද මට ඉන්න වෙයි..‘‘

‘‘ ඔකත් හොයාගත්තෙ කැලේ පුළුවන් තරම් පීරලා.උඹ ඉදපන්කො මං බැදල දෙන්නනම්..

මම තරමක කේන්තියෙන්, නිහඩව බිත්තියට හෙත්තුවී මෙසේ ද ඇසුවෙමි.‘‘

‘‘ කන්ඩ මොනවද තියෙන්නේ..?‘‘

‘‘පරිප්පුයි, මෑකරලුයි කරෝල තෙල් දාල..‘‘

‘‘වෙන මොනවත් නැද්ද..‘‘

‘‘තියන එවුව තමයි කීවෙ.උඹ පරිප්පු කනවනෙ..‘‘

‘‘හා.. ටිකක් බෙදන්න..‘‘

මා එසේ කියමින් ගෙට ගියේ ඇදුම් මාරු කර පුරුදු කඩයට එලියට යන එකම කමිසය සහ කලිසම ඇදීමටය.බොහෝ දෙනා මා ඒ ඇදුමින් ඇත තියා හදුනා ගැනීමට සමත්වේ.මා ඇදුම අැඟලා

රතින් රඟපු කෝළම සිහිවෙද්දි වෙරී




පෙති ගෝමර මල් ඇහැරී හිත   මැද්දේ
රති සාදය හතිදාගෙන බර         ඇද්දේ
නිති සාමෙන් හංස ලතාවන්      පැද්දේ
ඇති නෑ දැන් ගති පාමින්     ඉඟියක්දේ

හිතට හිතක් නලියන කුතුහලෙන්   කිපේ
නෙතට නෙතක් එක්වී බන්ධනේ   කැපේ
ගතට ගතක් ලන්වී නග්නයේ         හැපේ
වතට වතක් රත් දිය උණු හුමෙන්    පිපේ

ඉතින් සතුට බෝ වී ඉතිරිලා             කිරී
හිතින් කියයි දැන් ඇති සාදයත්         හරි
නෙතින් අඩසි බැල්මන් ආයෙමත්     බැරී
රතින් රඟපු කෝළම සිහිවෙද්දි       වෙරී

2017-05-23

වාව් නංගි


දියරෙද්දට හතරවටින් ලයික්                 වැටේ
වාවූ නංගි සෝ බියුටී කියපු                    කටේ
පැණි හල හල ඉන්න එවුන් දැපනෙ        වැටේ
දැන් තියෙන්නේ එහෙව් එකක් මෙහෙවු   රටේ